Yaşıl çayın faydaları nələrdir?

Bölmə: Araşdırma › ,
Tarix: 23:21 17.10.2023

Sağlamlığa saysız-hesabsız faydaları olan yaşıl çay tərkibindəki antioksidantlarla bədəni formada saxlayır. Arıqlamağa kömək edən yaşıl çay ödəm əleyhinə xüsusiyyətlərə malikdir. Xərçəng xəstəliklərindən ürək sağlamlığına qədər bir çox şeyə faydalı olan yaşıl çayın həddindən artıq qəbulu insan sağlamlığına da zərər verə bilər. Buna görə də yaşıl çay gündə 2 və ya 3 stəkandan çox qəbul edilməməlidir. Limon, yasəmən və nanə variantları da olan yaşıl çay çalxalanaraq və ya dəmlənərək qəbul edilə bilər. Yaşıl çayın faydaları nələrdir? 

 

Yaşıl çay ənənəvi Çin və Hindistan təbabətində yaraları sağaltmaq, həzmə kömək etmək, ürək və psixi sağlamlığı yaxşılaşdırmaq və bədən istiliyini tənzimləmək üçün istifadə edilmişdir. Son tədqiqatlar zamanı yaşıl çayın arıqlamaqdan tutmuş qaraciyər xəstəliklərinə və Alzheimer xəstəliyinə qədər hər şeyə müsbət təsir göstərdiyini aşkar edilib. 

 

Yaşıl çay xərçəngin qarşısını alır

Yaşıl çayın tərkibindəki polifenollar laboratoriya və heyvan tədqiqatlarında şiş böyüməsini azaldır və ultrabənövşəyi UVB şüalarının vurduğu zərərdən qoruya bilir. Yaşıl çay qəbulunun yüksək olduğu ölkələrdə xərçəng nisbətləri daha aşağı olsa da, yaşıl çayın bu spesifik populyasiyalarda və ya digər həyat tərzi faktorlarında xərçəngin qarşısını alıb-almadığından əmin olmaq mümkün deyil.Tədqiqatçılar hesab edirlər ki, yaşıl çayın yüksək polifenol səviyyələri onun xərçəngə müsbət təsirindən məsuldur. Tədqiqatın nəticələrinə uyğun olaraq gündə 2 və ya 3 stəkan yaşıl çayın bədəndəki antioksidan səviyyəsini artıraraq xərçəngin qarşısını ala biləcəyi üzə çıxıb. 

 

Parkinson və Alzheimer xəstəliklərinin qarşısını alır

Alzheimer xəstəliyi insanlarda ən çox görülən nevroloji xəstəliklərdən biridir. Parkinson xəstəliyi ən çox görülən ikinci nevroloji xəstəlikdir. Parkinson xəstəliyi beyində dopamin istehsal edən neyronların ölümünə səbəb olan bir xəstəlik növüdür. Tədqiqatlar göstərir ki, yaşıl çayda olan komponentlər neyronlara müxtəlif qoruyucu təsirlər göstərə bilər və potensial olaraq Alzheimer və Parkinson riskini azalda bilər. Yaşıl çayın tərkibindəki bioaktiv birləşmələr beyinə müxtəlif qoruyucu təsir göstərə bilər. Onlar ən çox yayılmış iki nevroloji xəstəlik olan Alzheimer və Parkinson riskini azalda bilər.

 

Ürək Sağlamlığını qoruyur

Harvard Tibb Məktəbinin hazırladığı hesabatda yaşıl çayın ürəyi necə qoruduğu və xəstəliklərin qarşısını aldığı izah edilir. Edilən açıqlamalarda, yaşıl çayın ürək xəstəliklərinə mənfi təsir edən pis xolesterin səviyyəsini azalda biləcəyini söyləyirlər. Araşdırmalar nəticəsində yaşıl çayın qanda antioksidant səviyyəsini əhəmiyyətli dərəcədə artırdığı ortaya çıxıb. Yaşıl çayın bu xüsusiyyətə malik olmasının səbəbi infarkt riskini əhəmiyyətli dərəcədə azalmasıdır. Yaşıl çay içənlərin ürək-damar xəstəliklərinə tutulma riskinin 31% azaldığı aşkar edilib.

 

Qan təzyiqini tənzimləyir

Yaşıl çayın uzun müddət istifadəsi qan təzyiqinin səviyyəsini yaxşılaşdırmağa kömək edir. Tədqiqatlar nəticəsində məlum olub ki, təzyiqi tənzimləmək üçün gündə 3 stəkan yaşıl çay içmək lazımdır.

 

Arıqlamağa kömək edir

Yaşıl çayda olan antioksidanlar maddələr mübadiləsini sürətləndirərək arıqlamağa kömək edir. Eyni zamanda, yaşıl çay yağ hüceyrələrini aktivləşdirərək yağ yandırmağa kömək edir.

 

Fatimə Mustafayeva

Mənbə: Milliyet