Bulud texnologiyaları: prinsipləri və məlumat təhlükəsizliyi

Bölmə: Sosial › ,
Tarix: 22:18 05.03.2025

Bulud texnologiyaları kompüter resurslarının internet vasitəsilə uzaqdan istifadəsini təmin edən texnologiyadır.

 

Bəs bulud texnologiyalarının əsas prinsipləri nələrdir?

 

Bu haqda bulud texnologiyaları üzrə ekspert İlqar Cəfərov “İnformator.az”a açıqlama verib:

 

“Bulud texnologiyasının prinsipləri:

 

1. Sadə ve rahat əldəetmə imkanı:

İstifadəçilər ehtiyaclarına uyğun olaraq resursları (serverlər, saxlama, şəbəkə və s.) avtonom şəkildə əldə edə bilirlər.

 

2. Her yerdən qoşulma rahatlığı:

Bulud xidmətləri internet vasitəsilə istənilən cihazdan (kompüter, planşet, telefon və s.) əlçatan olmalıdır.

 

3. Resursların effektiv istifadəsi:

Bulud provayderləri resursları bir çox istifadəçi arasında paylaşaraq effektiv idarə edir.

 

4. Resursların rahat ve asan artırma imkanı:

İstifadəçilər ehtiyaclarına uyğun olaraq resursları artırıb-azalda bilərlər. Bu xüsusiyyət sistemin yüklənməsinə, uyğun şəkildə avtomatik tənzimlənməsinə imkan yaradır.

 

5. Ədalətli ve aydın ödəniş imkanları:

Bulud xidmətləri istifadə edilən resurslara əsasən ölçülür və ödənişlər də bu istifadəyə görə hesablanır (pay-as-you-go modeli).

 

Bu prinsiplər bulud texnologiyalarının çevik, qənaətcil və geniş miqyasda istifadə edilə bilən olmasını təmin edir”.

 

Müsahibimiz bulud texnologiyalarında məlumat təhlükəsizliyinin təmin olunması barədə də danışıb:

 

“Şifrələmə – məlumatlar həm ötürülmə, həm də saxlanma zamanı şifrələnir.

İki addımlı giriş (2FA, MFA) – hesabları qorumaq üçün əlavə identifikasiya tələb olunur.

İcazə nəzarəti – hər kəsə yalnız ehtiyacı olduğu məlumatlara giriş verilir.

Xüsusi avdanlıqlarla( firewall ) qoruma – zərərli hücumlardan müdafiə üçün xüsusi sistemlər var.

Müntəzəm backup – məlumatlar ehtiyat nüsxələnir və bərpa imkanı təmin edilir.

Canli monitorinq – şübhəli fəaliyyətlər avtomatik izlənir və qarşısı alınır.

Təhlükəsizlik auditləri – bulud provayderləri təhlükəsizlik yoxlamalarından keçir.

Uyğunluq sertifikatları – GDPR, ISO 27001 kimi standartlara əməl olunur.

Fövqəladə hallara hazırlıq – sistemlər qəza və hücumlardan tez bərpa olunur.

Süni intellekt və avtomatlaşdırma – təhlükəsizlik təhdidlərinə qarşı ağıllı müdafiə”.

 

Nərmin Həşimova