Rusiya və Ukrayna enerji infrastrukturuna hücumları dayandırmaq barədə razılığa 

Bölmə: Dünya › ,
Tarix: 16:04 26.03.2025

Moskva, 26 mart – Rusiya və Ukrayna müharibə dövründə nadir koordinasiya addımı ataraq əsas enerji infrastrukturuna hücumları 30 gün müddətinə dayandırmaq barədə razılığa gəliblər. Bu barədə Kremlin çərşənbə axşamı yaydığı bəyanatda bildirilib.

 

Razılaşmaya əsasən, neft emalı zavodları, qaz və neft kəmərləri, atom elektrik stansiyaları, su elektrik bəndləri, yarımstansiyalar və transformatorlar da daxil olmaqla elektrik enerjisinin ötürülməsi infrastrukturu qorunacaq. Həmçinin yanacaq anbarları və nasos stansiyaları da müqaviləyə daxildir.

 

Kremlin məlumatına görə, mühafizə olunan ərazilərin siyahısı Rusiya və ABŞ tərəfləri arasında razılaşdırılıb. Ukrayna Prezidenti Vladimir Zelenski də təsdiqləyib ki, Kiyev ABŞ rəsmiləri ilə danışıqlar zamanı hədəflərin siyahısını təqdim edib.

 

Martın 18-də qüvvəyə minən müvəqqəti atəşkəs qarşılıqlı razılıq əsasında uzadıla bilər. Lakin hər hansı bir tərəf müqaviləni pozarsa, digər tərəf ona əməl etmək öhdəliyindən azad olur.

 

Bu addım davam edən münaqişə fonunda daha geniş atəşkəsə nail olmaq üçün göstərilən səylərin bir hissəsi kimi qiymətləndirilir.

 

ANEWZ

Gülhüseynova Güllər