İsrail Hizbullah atəşkəsdən sonra Beyruta ilk hücumunu həyata keçirir

Bölmə: Dünya › ,
Tarix: 14:07 29.03.2025

 

Noyabr ayında Hizbullahla qüvvəyə minən atəşkəsdən sonra İsrail təşkilatın yerləşdiyi Beyrutun cənub ətrafına ilk hava zərbəsini endirib. İsrail ordusu cümə günü Hizbullahın pilotsuz uçan aparat anbar bölməsini vurduğunu və təxliyyə xəbərdarlığının panikaya səbəb olduğunu bildirib. Hücum Livanın cənubundan İsrailin şimalına iki raket atılmasından bir neçə saat sonra baş verib. İsrail bir raketin qarşısını aldığını, digərinin isə sərhədi keçə bilməyəcəyini bildirib. Hizbullah bunun heç bir əlaqəsi olmadığını deyib. 

 

İsrail hücumun atəşkəsin "pozulması" olduğunu, Livan prezidenti Cozef Aunun ofisi isə İsrailin hücumunun "müqaviləni pozmaq" olduğunu bildirib. Hücum İsrail ordusunun Livan paytaxtının Hadath bölgəsindəki bir bina üçün təxliyə xəbərdarlığı etməsindən sonra baş verib. Videolarda insanların panika içində getdiyi əks olunub. Məktəblərin boşaldılması əmri verilib. İsrail Müdafiə Qüvvələri sosial media hesabından verdiyi açıqlamada əvvəlki raket hücumunun "İsrail və Livan arasındakı razılaşmaların açıq şəkildə pozulması olduğunu və İsrail Dövlətindəki mülki əhali üçün birbaşa təhlükə olduğunu" bildirib.

 

BBC News 

Asiman Vəliyeva