İsrailin Qəzzaya hücumlarında həyatını itirənlərin sayı 50 min 423-ə yüksəlib

Bölmə: ,
Tarix: 19:23 02.04.2025

İsrailin 7 oktyabr 2023-cü ildən bəri Qəzza Zolağına təşkil etdiyi hücumlarda həyatını itirənlərin sayı son 24 saatda 24 nəfər artaraq 50 min 423-ə çatıb.

 

Qəzzadakı Səhiyyə Nazirliyinin yazılı açıqlamasında İsrailin Qəzzada davam edən hücumları nəticəsində baş verən insan tələfatı və yaralanmalarla bağlı son məlumatlar paylaşılıb. Son 24 saatda təşkil edilən hücumlarda 24 nəfərin həyatını itirdiyi, 55 nəfərin yaralandığı bildirilib. İsrail ordusunun 19 yanvarda əldə olunan atəşkəsi pozaraq 18 martdan bu yana həyata keçirdiyi hücumlarda 1066 fələstinlinin həyatını itirdiyi, 2597 fələstinlinin isə yaralandığı bildirilib.

 

İsrailin 7 oktyabr 2023-cü ildən bəri Qəzza Zolağına təşkil etdiyi hücumlardan ölənlərin sayı 50 min 423-ə, yaralıların sayı isə 114 min 638-ə yüksəlib. Qəzza Zolağında dağıntılar altında hələ də minlərlə meyitin olduğu bildirilir.

 

Mənbə:TRT
Ətirə İbayeva