“Trabzonspor”un yarımfinala yüksəldiyi UEFA Gənclər Liqası

Bölmə: İdman › ,
Tarix: 20:38 02.04.2025

“Trabzonspor”un 19 yaşadək futbol komandası dünən axşam İtaliya təmsilçisi "İnter"i Trabzonda 1-0 hesabı ilə məğlub edərək UEFA Gənclər Liqasında yarımfinala yüksəldi.

 

Komandasına qələbə qazandıran qolu vuran Əkrəm Terzi matçdan sonra “Bu anı təsvir edəcək söz tapa bilmirəm. Kuboku Trabzona gətirmək istəyirik”, – deyə bildirib. 38-ci dəqiqədə penalti qurtararaq qələbədə mühüm pay sahibi olan qapıçı Erol Can Koçak isə “Stadionu dolduran azarkeşlərə çox təşəkkür edirəm. İnşallah, o kuboku Trabzona gətirəcəyik”, – deyə danışıb. Bu nəticə ilə "Trabzonspor" iki ayrı rekorda da imza atıb. Avropa Futbol Federasiyaları Birliyi (UEFA) oyunu 40 min 368 nəfərin izlədiyini və bunun turnir tarixində ən çox tamaşaçının izlədiyi qarşılaşma olduğunu açıqlayıb. Bundan əvvəlki rekord 2017-18 mövsümündə 32 min 510 tamaşaçı ilə “Krasnodar” – “Real Madrid” maçına aid idi. “Trabzonspor” eyni zamanda bu turnirdə yarımfinala yüksələn ilk türk komandası olub.

 

Mənbə: BBC News
Fatimə Heydərova