“Almaniya ilə Azərbaycan arasındakı münasibətlər normal məcrada davam edir” -ŞƏRH
Bölmə: Siyasət ›
,
Tarix: 21:29 02.04.2025
Almaniya Prezidenti Frank-Valter Ştaynmayer aprelin 1-də Azərbaycana rəsmi səfərə gəlib.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.
Mövzu ilə bağlı politoloq Samir Hümbətov “informator.az”a açıqlamasında bildirib ki, Almaniya ilə Azərbaycan arasındakı münasibətlər normal məcrada davam edir:
“Almaniya İqtisadi tərəfdaşlıqda da Azərbaycanın ən önəmli tərəfdaşlarından biridir. Azərbaycan bu əlaqələrin inkişafı ilə şahid olur. Amma Frank-Valter Ştaynmayerin Azərbaycana səfərinin arxasında duran səbəb rəsmi ikili dövlət münasibətləridir. Həmçinin Ermənistan-Azərbaycan münasibətlərinə də adiyyəti var.
Çünki bu , ilk Ermənistana ardından da Azərbaycana səfər etməsi və buradan da yenidən Almaniyaya qayıtması məsələsi bir başa onu deməyə əsas verir ki, Almaniya Prezidentinin Azərbaycan səfərinin arxasında Avropa İttifaqının çərçivəsində məlum məsələdə Almaniya nüfuzudur. O nüfuzdan istifadə edərək münasibətlərin, yəni Ermənistan ərazisində sülh sazişinin imzalanması üçün tərəflərin fikirlərini öyrənilməsi də ola bilər.
Burada Avropa İttifaqının imici də var. Onun bərpasının da həyata keçirilməsi bir addım kimi dəyərləndirilir. O baxımdan Almaniya Prezidentinin Azərbaycana səfəri məhz daha çox bu mövzuya hesablanır. Həm ikili münasibətlər- iqtisadi və siyasi əlaqələr, həm də regional münaqişə olan Ermənistan-Azərbaycan məsələlərinin həllinə yönəlik bir addım kimi dəyərləndirə bilər”.
Nuray Əliyeva
