"Pakistan xalqına və dövlətinə başsağlığı diləyirəm"

Bölmə: Siyasət › ,
Tarix: 22:54 08.05.2025

Ərdoğan xüsusilə elektrik enerjisi, təbii qaz və digər enerji sahələrində əməkdaşlığın dərinləşdirilməsini təşviq etmək arzusunda olduğunu bildirib.

Prezident Ərdoğan Sudanlı ilə bankçılıq, sənaye, təhsil və ali təhsil kimi digər sahələrdə də əməkdaşlığı müzakirə etdiklərini və bu sahələrdə atacaqları əlavə addımları dəyərləndirdiklərini bildirib. Ərdoğan Sudanın tədbirli yanaşması sayəsində İraqın bölgədəki sabitliyə mühüm töhfələr verdiyini məmnunluqla müşahidə etdiklərini bildirib.

İraqın Suriya ilə mehriban qonşuluq münasibətlərini inkişaf etdirməsinin bölgənin sabitliyi və sülhü üçün çox əhəmiyyətli olduğuna inandığını ifadə edən Ərdoğan, bu mövzuda İraqla işləməyə davam edəcəklərini bildirib.

 

Prezident Ərdoğan İsrailin Qəzzada başladığı, daha sonra Livan və Suriyaya apardığı təcavüzkar siyasətinin nəticələrinin göz qabağında olduğunu bildirərək, İsrailin bölgəni qan, göz yaşı və qeyri-sabitlik içində boğaraq öz təhlükəsizliyini təmin edəcəyini düşündüyünü və bunun zamanla daha da aydınlaşacaq bir xəyal olduğunu qeyd edib. İsrailin humanitar yardımı tamamilə dayandırmasından sonra Qəzzada aclıq təhlükəsinin kütləvi ölümlərə səbəb ola biləcək ciddi ölçülərə çatdığını qeyd edən Ərdoğan "Əziz qardaşımla İsrailə təzyiqlərin artırılması da daxil olmaqla, əlimizdən gələn hər şeyi etməliyik deyə razılaşdıq. Pakistan və Hindistan arasındakı gərginliyin raket hücumları ilə qızğın qarşıdurmaya çevrilməsindən narahatıq. "Döyüşdə həyatını itirən qardaşlarımıza Allahdan rəhmət, qardaş Pakistan xalqına və dövlətinə bir daha başsağlığı diləyirəm", - deyə bildirib.

 

Mənbə: TRT Haber
Səmayə Səftərova