İBB korrupsiya istintaqında 4 həbs tələbi

Bölmə: Dünya › ,
Tarix: 22:03 03.06.2025

 

İstanbul Böyükşəhər Bələdiyyəsinə (İBB) aparılan istintaq çərçivəsində saxlanılan keçmiş CHP-li millət vəkili Aykut Erdoğdu da daxil olmaqla 4 şübhəli barəsində həbs tələbi ilə hakimliyə sövq edilib.

 

İstanbul Baş Prokurorluğu tərəfindən həbs olunduqdan sonra İstanbul Böyükşəhər Bələdiyyəsinin sədri vəzifəsindən uzaqlaşdırılan Əkrəm İmamoğlu da daxil olmaqla, “cinayətkar təşkilatın lideri olmaq”, “cinayət təşkilatına üzv olmaq”, “qəsb”, “rüşvət alma”, “dələduzluq”, “şəxsi məlumatların əldə edilməsi” cinayətləri ilə bağlı başladılan istintaq davam edir.

Bu çərçivədə saxlanılaraq İstanbul Ədliyyəsinə aparıldıqdan sonra CHP-nin keçmiş millət vəkili Aykut Erdoğdu, Ağaç AŞ baş direktoru Əli Sukaş, Beylikdüzü Bələdiyyə sədrinin müavini Veysel Erçevik və Beylikdüzü Bələdiyyə Başçısı Mehmet Murat Çalığın köməkçisi Gürkan Polatın polis bölməsindəki əməliyyatları tamamlandıqdan sonra prokurorluq prosedurları tamamlanıb.

 

Prokurorluq ifadələri alınan şübhəlilərin tutulması tələbi ilə onları növbətçi cinayət məhkəməsinə göndərib.

 

Şübhəlilərin məhkəmə prosedurlarına yaxın vaxtlarda başlanacağı gözlənilir.

 

TRT XƏBƏR

Fatimə Şahverdiyeva