Sky: Qəzzada atəşkəs danışıqlarının birinci raundu uğursuzluqla başa çatıb

Bölmə: Dünya › ,
Tarix: 08:17 07.07.2025

İsrail və radikal HƏMAS hərəkatı arasında Qəzza zolağında atəşkəslə bağlı danışıqların birinci raundu uğursuzluqla başa çatıb. 

 

"İnformator.az" "Teleqraf"a istinadən xəbər verir ki, bu barədə Sky News Arabia kanalı Fələstin rəsmilərinə istinadən məlumat yayıb.

İyunun 6-da axşam saatlarında Dohada İsrail və HƏMAS nümayəndələrinin iştirakı ilə danışıqlar davam etdirilib. Telekanalın mənbələrinə görə, İsrail nümayəndə heyətinin Fələstin hərəkatı ilə “müqavilə bağlamaq səlahiyyəti olmadığından” münaqişə tərəfləri atəşkəsin şərtlərini müəyyən edə bilməyib.