Keçiboynuzunun faydaları nələrdir?
Bölmə: Araşdırma ›
,
Tarix: 20:31 13.10.2023
Qədim dövrlərdən bəri mövcud olan keçiboynuzu tozu yeməklərin daha ləzzətli və ətirli olması üçün istifadə edilmişdir. Kakao və ya şokolad tozu yerinə də istifadə edilə bilər. Qida sənayesində istifadə üçün və dərman vasitəsi kimi üstünlük verilən keçiboynuzu tozunun üyüdülmədən qəbulu çətin olur. Bəs keçiboynuzu tozunun faydaları nələrdir?
Keçiboynuzu tozu həm yeməklərdə, həm də şəfa mənbəyi olan məhsul kimi istifadə olunur. Yeməklərdə şəkər və ya kakao yerinə istifadə edilə bilən keçiboynuzu tozu dadlandırıcı xüsusiyyətə malikdir. Faydaları baxımından keçiboynuzu tozu arıqlamağa kömək edir, enerji verir və kofein ehtiyacını ödəməyə xidmət edir. Keçiboynuzu tozu ilə maska hazırlamaqla da dərini qidalandıra bilərsiniz. Sağlam olmaq üçün keçiboynuzu tozunu quru və ya su ilə qarışdıraraq qəbul etmək də mümkündür. Kalorisi şəkərdən aşağı olsa da, qida dəyəri kifayət qədər yüksəkdir. Buna görə də ölçülü şəkildə istifadə etmək tövsiyə olunur.
Keçiboynuzu tozu necə hazırlanır?
Keçiboynuzu tozu tam təbii üsullarla hazırlanır. Bunu evdə etmək çətindir, çünki evdə bunu hazırlamaq üçün bəzi alətlər əldə etmək lazımdır. Keçiboynuzu tozunun orijinal olub-olmadığını içindəki yonqar kimi qırıntılardan anlamaq olar. Sərt maddə olan keçiboynuzu toxumları ilə birlikdə üyüdülür və toz halına gətirilir. Bu özəklər içəridəki yonqar qırıntılarının səbəbidir. Keçiboynuzu toz halına gəlməzdən əvvəl qurudulur və sonra döymə, üyütmə və qovurma proseslərinə məruz qalır.
Keçiboynuzu tozu çəki artımına səbəb olurmu?
Keçiboynuzu tozunun kalorisi şəkərdən aşağı olsa da, yüksək qida dəyərinə malik olduğu bilinir. Bu səbəblə keçiboynuzu tozu kökəlmək istəyənlərin ilk seçimləri arasındadır. Az miqdarda istifadə sağlamlıq cəhətdən düzgün olsa da, həddindən artıq istifadə çəki artımına səbəb ola bilər. Bundan əlavə, immunitet sistemini gücləndirən təsirə malik olduğu üçün həm körpələrin, həm də böyüklərin qidalanma rejiminə daxil edilməlidir.
Fatimə Mustafayeva
Mənbə: CNN Türk
