Almaniya Ukraynadakı münaqişəyə son qoymağın yolunu təklif edib

Bölmə: Dünya › ,
Tarix: 22:40 15.08.2024

"Almaniya Ukrayna münaqişəsinin diplomatiya yolu ilə həllində fəal iştirak etməlidir". 

"İnformator.az" bildirir ki, bu təkliflə Welt telekanalına müsahibəsində Bundestaqın deputatı Ditmar Bartş çıxış edib.

"Mən hesab edirəm ki, Almaniya daha fəal rol almalıdır və bu rol diplomatiyadır", - alman deputat bildirib.

Bartşın fikrincə, Kiyevi silahla təmin etmək bu münaqişənin həllinə kömək etməyəcək.  Bundan başqa, o əlavə edib ki, Qərb ölkələrindən Ukrayna Silahlı Qüvvələrinə (AFU) verilən silahlar döyüş meydanında Ukrayna tərəfinə uğur gətirməyib.

Bundan əvvəl Bundestaqın üzvü Sara Vaqenknext demişdi ki, Berlinin Ukrayna münaqişəsinə yatırdığı pullar Almaniya iqtisadiyyatına yatırılmalıdır.  Onun sözlərinə görə, Almaniya hökumətinin hərəkətləri ölkə iqtisadiyyatının tənəzzülünə səbəb ola bilər.

"Almaniyanın vergi ödəyicilərinin pullarının Kiyev üçün bahalı silahlara ayrılmasındansa, dövlətin mülki infrastrukturuna investisiyaya ehtiyacı var"- o bildirib.

Banuçiçək Kalbalıyeva