ABŞ İsrail və HƏMAS arasında aparılan danışıqlarda uğur qazandığını açıqlayıb

Bölmə: Dünya › ,
Tarix: 20:48 16.08.2024

İsrail və Fələstinin radikal HƏMAS hərəkatı arasında Qəzza zolağında atəşkəslə bağlı danışıqlar konstruktiv şəkildə və müsbət atmosferdə gedir. 

Reuters xəbər verir ki, bu barədə ABŞ , Misir və Qətər nümayəndələrinin mətbuat konfransı zamanı birgə bəyanatında bildirilib .


“Bu gün Dohada Birləşmiş Ştatlar Qətər və Misirin dəstəyi ilə mayın 31-də [ABŞ] prezidenti Co Baydenin qeyd etdiyi prinsiplərə və BMT Təhlükəsizlik Şurasının 2735 saylı qətnaməsinə əsaslanan boşluqları azaldan təklifi hər iki tərəfə təqdim etdi ”. - Birgə bəyanatda qeyd olunub.

Bundan əlavə, iki tərəf arasında danışıqların tezliklə Qahirədə davam edəcəyi bildirilir .

Daha əvvəl Haaretz qəzeti mənbələrə istinadən xəbər vermişdi ki, Bayden girovların qaytarılması və Qəzza zolağında atəşkəs barədə müzakirələrdən imtina edərsə, danışıqların uğursuzluğuna görə açıq şəkildə İsrailin baş naziri Benyamin Netanyahunu günahlandıracaq .