İsrail Fələstin prezidentinin Qəzzaya səfərinə icazə vermir

Bölmə: Siyasət › ,
Tarix: 22:38 22.08.2024

İsrail hakimiyyəti Fələstin prezidenti Mahmud Abbasın Qəzza zolağına səfərinə icazə verməyib.  

"İnformator.az" xəbər verir ki, bu barədə Fələstin liderinin beynəlxalq əlaqələr üzrə müşaviri və onun xüsusi nümayəndəsi Riyad əl-Maliki RİA Novosti-yə müsahibəsində danışıb.

 

 “Biz icazə istəmədik. Prezidentin Qəzzaya gedəcəyini bildirdik. Və sonra İsrailin cavabı gəldi və bildirdi ki, onlar prezident Mahmud Abbasın Qəzzaya girməsinə icazə verməyəcəklər”.

 

 Əl-Malikinin sözlərinə görə, bu, İsrailin Qəzzanı işğal etməsinin sübutudur. Fələstin liderinin xüsusi nümayəndəsi qeyd edib ki, Abbas anklavın ona daxil olmasına icazə verilməyəcəyini bilirdi və buna görə də BMT Təhlükəsizlik Şurasından kömək və təhlükəsizlik zəmanəti istəyib.

 

 Bundan əvvəl “Hürriyet” qəzeti mənbələrə istinadən yazıb ki, Abbas İsraildən gələn sui-qəsd təhlükəsi səbəbindən Türkiyədə parlament üzvləri ilə şam yeməyini ləğv edib.

Banuçiçək Kalbalıyeva