Aleksey Kaşuk "Qarabağ"da-ŞƏRH

Bölmə: İdman › ,
Tarix: 14:42 05.09.2024

"Qarabağ" Aleksey Kaşukla 3 illik müqavilə imzalayıb. Onun sözlərinə görə "Qarabağ"ı seçməyində bir nömrəli amil baş məşqçidir. Mövzuyla bağlı "informator.az"a açıqlamasında Orxan Sübhan deyib ki, Kaşuk uğurlu transferdir:

 

" "Qarabağ" son olaraq Aleksey Kaşuku heyətinə qatdı. Kaşuk vaxtı ilə "Sabah"ın heyətində nəyə qadir olduğunu nümayiş etdirib. Haqqında çox danışmağa ehtiyac yoxdur. Azərbaycanlı futbol azarkeşləri Kaşuku yaxşı tanıyırlar. Aleksey "Qarabağ"a kömək edəcək. Ancaq nəzərə alsaq ki, komandamız Azərbaycan çempionatı və kuboku ilə yanaşı Avropa Liqasında da döyüşəcək, heyəti bir qədər də gücləndirmək lazımdır. Ən azı bir hücumçu və bir müdafiəçi "Qarabağ"ın gücünə güc qatar. Vaxt çox azdır, tələsmək lazımdır. Qaldı ki, Aleksey Kaşukun " "Qarabağ"ı seçməyimdə bir nömrəli amil baş məşqçidir" deməsinə, Qurban Qurbanov deyəndə "Qarabağ" yada düşürsə, "Qarabağ" deyəndə də Qurban Qurbanov yada düşür. Həm "Qarabağ"ın, həm də Qurban Qurbanovun uğurları bol olsun".

 

Zəhra Həsənova