Boca Juniors-dan rəsmi Medina açıqlaması!

Bölmə: İdman › ,
Tarix: 22:57 02.12.2024

Yay transfer dövründən bəri Fənərbaxçanın gündəmində olan Kristian Medina ilə bağlı komandası Boca Juniors-dan rəsmi açıqlama gəlib.

 

Uzun müddətdir Fənərbaxçanın transfer etmək istədiyi adlardan biri olan Medina, gündəmdən düşmür. Yanvar ayında da Fənərbaxçanın onun transferi ilə bağlı addım atacağı iddia edilən futbolçu haqqında Boca Juniors-un rəsmisi Çiço Serna açıqlamalar verib.

 

Medinanın Fənərbaxçaya keçmək üçün təzyiq göstərdiyi iddiaları ilə bağlı danışan Serna, “Kristian Medina bizimlə həmişə çox açıq olub. Transfer danışıqlarını bitirmək üçün məntiqli bir zaman olduğunu düşündük. Bəzi imkanlar var idi, amma reallaşmadı. Qərarı Medina verdi. Məsuliyyəti üzərinə götürməli idi,” ifadələrini işlədib.

 

Futbolçunun gələcəyi ilə bağlı vaxt verilməsinin vacibliyini vurğulayan rəsmi, “O, bizimlə 2027-ci ilə qədər müqavilə imzalayıb. Nə qədər davam gətirə biləcəyimizi və vəziyyətin hara qədər gedəcəyini görəcəyik. Bu məsələyə bir az zaman ayırmalıyıq,” açıqlamasını edib.

 

Medina indiyə qədər Boca Juniors forması ilə 160 oyuna çıxıb, 9 qol vurub və 11 assist edib.

 

Mənbə: Milliyət

Fatimə Abdulrəhimli