Arda Gülerdən şok qərar! Florentino Perezə məlumat verdi

Bölmə: İdman › ,
Tarix: 22:29 03.12.2024

Türkiyə Milli Futbol Komandasının və Real Madrid-in uğurlu gənc futbolçusu Arda Güler, İspaniya nəhəngində kifayət qədər oyun şansı əldə etməməsindən narahatdır.

 

Meydançaya çıxdığı oyunlarda sərgilədiyi performansla diqqət çəksə də, Carlo Ancelotti-nin əsas seçimlərindən biri olmayan Arda Güler barədə sensasiyalı iddia ortaya atılıb.

 

İspaniyada yayımlanan Don Balon adlı idman dərgisi, Arda Gülerin Real Madrid prezidenti Florentino Perez ilə görüşərək qərarını bildirdiyini yazıb.

 

AYRILMAQ İSTƏYİR...

 

Xəbərə görə, Arda Güler qış transfer pəncərəsində daha çox oyun şansı əldə edə biləcəyi bir kluba icarəyə göndərilməsini Florentino Perezdən xahiş edib. O, özü üçün edilən təkliflərin nəzərdən keçirilməsini istəyib.

 

Arda Gülerin ilk seçim olaraq La Liga-dan bir komandaya icarəyə getmək istədiyi, ən yaxşı ehtimalın isə Real Sociedad olduğu qeyd olunub.

 

Bu mövsüm Real Madrid forması ilə 15 rəsmi oyunda cəmi 484 dəqiqə meydanda olan milli ulduz, 1 məhsuldar ötürmə ilə yadda qalıb.

 

Mənbə:beinsports

Aytac Mustafayeva