Giovanni van Bronckhorstdan Beşiktaşa vida mesajı!
Bölmə: İdman ›
,
Tarix: 21:04 04.12.2024
Beşiktaşın keçmiş baş məşqçisi Giovanni van Bronckhorst paylaşımı ilə ağ-qara kluba vida etdi.
O, paylaşımında bunları yazdı:
“Beşiktaşın baş məşqçisi vəzifəsindən ayrılmaq məni kədərləndirir və məyus edir. Əvvəlki işlərimdə olduğu kimi, bu işə də ehtirasla, klubun potensialı məni həqiqətən həyəcanlandırdığı üçün uğur qazanmaq arzusu ilə yanaşdım. Türk xalqı və xüsusilə də Beşiktaş azarkeşləri məni səmimi qarşılayaraq, özlərindən biri kimi hiss etdirdilər.
Türkiyə zəngin mədəniyyətə malik bir ölkədir və futbola olan ehtiras hər kəs tərəfindən aydın görünür. Bunun üçün hər zaman minnətdar olacağam. Türkiyə Super Kubokunu qazandığımız andakı hiss, futbol həyatımın ən qiymətli uğurları ilə eyni səviyyədədir. Böyük azarkeş kütləsi, azarkeşlərin ehtirası və oyunçularımın yanıb-yaxılan istəyi heyrətamiz idi. Beşiktaş üçün bu kuboku təxminən iyirmi ildən sonra ilk dəfə geri qazanmaq çox qürurverici oldu.
Oyunçularımın və komandamın sıxı çalışmasını yüksək qiymətləndirməliyəm. Mənə daha çox vaxt verilsəydi, böyük potensiala malik olan bir heyəti inkişaf etdirə və gücləndirə biləcəyimi düşünürəm. Xahiş edirəm, çalışmağa davam edin, siz möhtəşəm bir qrupsunuz.
Təbii ki, futbol nəticələrə bağlıdır və müasir oyunda bunun yaratdığı təzyiqi bilirəm. Bundan heç vaxt qaçmayacağam; qalib gəlmək hər şeydir və bu olmayanda bunu qəbul etmək çətindir. Amma hər hansı bir futbol klubunun gələcək istiqaməti yalnız ehtiyat dəzgahındakı bir nəfərlə müəyyən edilmir.
Qısa müddət ərzində belə klub, şəhər və ölkə ilə aşiq oldum. Beşiktaşla əlaqəli hər kəsə gələcəkdə uğurlar arzulayıram.
Son olaraq, hər zaman olduğu kimi, daim dəstək olan möhtəşəm ailəmə və yaxın dostlarıma təşəkkürlərimi və sevgimi çatdırıram. Zamanı gələndə növbəti çağırışımı səbirsizliklə gözləyirəm".
Mənbə: Milliyət
Fatimə Abdulrəhimli
