Erol Bulutdan şok transfer etirafı: Beşiktaşa gələndə təəccübləndim!

Bölmə: İdman › ,
Tarix: 21:24 05.12.2024

Son olaraq Cardiff City-də baş məşqçilik edən Erol Bulut gündəmə dair vacib açıqlamalar verib. Onun Beşiktaşın ulduzu ilə bağlı dedikləri diqqət çəkib.

 

Mövsümə İngiltərə Championship komandası Cardiff City-nin baş məşqçisi olaraq başlayan Erol Bulut sentyabr ayında vəzifəsindən ayrılmışdı. O, gündəmə dair maraqlı açıqlamalar verib:

 

“Beşiktaşın pis heyətə sahib olduğunu düşünmürəm. Bu komanda daha yaxşı oynaya biləcək keyfiyyətə malikdir. Mövsümün əvvəlində bunu artıq göstərdilər. Demək ki, başqa problemlər var. Bu problemlərin nədən ibarət olduğunu biz indi bilə bilmərik. Son günlərdə rəhbərlik üzvləri bir-birinə girib. Bu, Beşiktaş üçün gözəl mənzərə deyil. Bu vəziyyət futbolçulara da təsir edir. Məsələn, Gedson Fernandes orta sahədə hər şeyi etməyə çalışır, amma tək başına bu qədər bacarır. Axı bu, “dörd böyük” arasında olan bir klubdur. Belə bir vəziyyətdə olmamalıdır. Mövcud performanslarından daha yaxşısını göstərə biləcək keyfiyyətə sahibdirlər".

 

Fenerbaxçada son zamanlarda parlayan Oğuz Aydın haqqında da danışan Erol Bulut bunları deyib:

“Mən də Oğuz Aydınla maraqlanmışdım, amma mümkün olmadı. Oğuz, çox bəyəndiyim bir futbolçudur. Qol vurur, asist edir. Son oyunlarda Mourinyo ona şans verdikdə, nələr edə biləcəyini hər kəsə göstərdi. Məncə, çox keyfiyyətli bir oyunçudur. Uzun illər Fenerbahçeyə töhfə verəcəyini düşünürəm".

 

Ötən mövsüm qış transfer dövründə Beşiktaşa 10 milyon avroya transfer olan Ernest Muçi ilə bağlı maraqlı bir etiraf edən təcrübəli məşqçi sözlərinə belə davam edib:

 

“Muçi, keçən mövsüm devrə arasında Cardiff City üçün düşündüyüm bir transfer idi. Biz soruşduqda onun üçün 4 milyon avro transfer məbləği ola biləcəyini demişdilər. O vaxt alma şansımız yox idi. Beşiktaşa 10 milyona gəlincə təəccübləndim".

 

Mənbə: Milliyət

Fatimə Abdulrəhimli