Osimhen üçün ciddi transfer danışıqları! Almadıqlarına peşman oldular..
Bölmə: İdman ›
,
Tarix: 21:26 05.12.2024
Fransa nəhəngi PSJ-nin "Qalatasaray"dakı gələcəyi maraq doğuran Viktor Osimhen üçün qış transfer dövründə bir addım atacağı iddia edilib.
Mövsümün əvvəlində gözlənilməz şəkildə Galatasarayın heyətinə qatılan Viktor Osimhen mövsümün sonuna qədər sarı-qırmızı formada çıxış edəcək. Mövsüm tamamlandıqda isə böyük ehtimalla Avropanın nəhəng klublarından birinə transfer olunacaq.
"Qalatasaray" da mövsümün sonunda Viktor Osimheni transfer haqqı ilə almaq istəyir. Bu səbəbdən tələb olunan transfer məbləğini ödəyə bilmək üçün bəzi sponsorluq görüşmələri aparılır. Çinli bir avtomobil şirkəti ilə danışıqların davam etdiyi iddia olunur.
Klub başçısı Dursun Özbek, iştirak etdiyi bir televiziya proqramında Viktor Osimhenlə bağlı belə deyib:
“Aralıq mövsümdə ayrılması üçün çox çətin bir şərt var. Bizim müqaviləmizə görə o, mövsümün sonuna qədər bizdə oynayacaq. Heç kim bunu təhrif etməsin. Mövsüm sonunda qərarı özü verəcək".
Fransada yayımlanan RMC Sport-un “After Foot” proqramının dünənki bölməsində Viktor Osimhenlə bağlı diqqətçəkən məlumatlar verilib. Paris Saint-Germain baş məşqçisi Luis Enrikenin Osimheni istədiyi bildirilib:
“Luis Enrike heyətə əlavə güc qatmaq istəyir. Xüsusən də avqust ayında istəmədiyi və indi Türkiyədə oynayan, lakin yayda ondan daha ucuz başa gələn bir oyunçu barədə yanıldığını anlayır, o da Viktor Osimhen".
“Onun qiyməti keçən yayla müqayisədə çox daha aşağıdır. De Laurentiis (Viktor) Osimhen və (Xviça) Kvaratsxeliya üçün 220 milyon avro istəyirdi. İndi isə paket hazırdır. Napoli hələ də transfer prosesinin sahibi olaraq qalır. Açıq-aşkar, bir boşluq ola bilər. Hələ yekunlaşmış bir anlaşma yoxdur, amma olduqca ciddi danışıqlar aparırıq".
Ulduz futbolçunun sərbəst qalma məbləğinin 75 milyon avro olması fransız nəhənginin iştahını artırdığı bildirilib.
Mənbə: Milliyət
Fatimə Abdulrəhimli
