ÇİNLİ DOKTORANT ALİMLİK YOLUNDA-BDU-da elmi seminar

Bölmə: Araşdırma › ,
Tarix: 15:46 09.12.2024

Bakı Dövlət Universitetində "Çin-Azərbaycan münasibətləri kontekstində orta dəhliz: geosiyasi təhlil və əməkdaşlıq perspektivləri" mövzusunda elmi seminar keçirilib. 

 

"İnformator.az" xəbər verir ki, elmi seminarda Beynəlxalq jurnalistika və iformasiya siyasəti kafedrasının professor-müəllim heyəti, doktorantlar və magistrantlar iştirak edib. Çinli doktorant Azərbaycan-Çin münasibətlərinin müxtəlif istiqamətlərinin mediada əks olunmasını təhlil edib. Liu Yousha elmi işinin strukturunu, aktuallığını, işlənmə dərəcəsini və əsas aspektlərini təqdim edib. Elmi seminar iştirakçıları iddiaçının slayd şəklində əsas tezislərini və mövzuya dair elmi  çıxarışlarını birgə müzakirə ediblər. Mövzu ilə əlaqədar olaraq doktoranta suallar və bir sıra tövsiyələr ünvanlanıb. 

 

Hazırda BDU Jurnalistika fakültəsinin Beynəlxalq jurnalistika və informasiya siyasəti kafedrasında 5 çinli magistrant təhsil alır.