Rusiya Ukraynaya ciddi cavab verəcək-NYT

Bölmə: Dünya › ,
Tarix: 16:38 03.06.2025

“New York Times” (NYT) qəzeti Rusiyanın Ukraynanın hərbi hava limanlarına hücumlarına görə ona ciddi cavab verəcəyini iddia edib.

 

NYT-nin adı açıqlanmayan ABŞ hökumət rəsmilərinin açıqlamalarına istinadən verdiyi xəbərə görə, Ukrayna Təhlükəsizlik Xidmətinin (SBU) Rusiyanın müxtəlif hərbi hava limanlarına hücumları araşdırılıb. Rəsmilər bildiriblər ki, əməliyyat təkcə Rusiyanın strateji imkanlarına zərər vurmayıb, həm də Ukraynanın 600 dollarlıq pilotsuz uçuş aparatlarından (PUA) istifadə etməklə dəyəri 100 milyon dollardan çox olan hərbi təyyarələri məhv edə biləcəyini göstərib. Rəsmilər iddia edirdilər ki, bu hücumlar Rusiyanı Ukraynadakı əməliyyatlarını azaltmağa vadar etməyəcək və onlar Moskvanın “ciddi” cavab verəcəyini gözləyirlər.

 

ABŞ-nin Rusiyanın Ukraynaya qarşı hansı əks-hücum keçirəcəyi ilə bağlı hələ kəşfiyyat məlumatı olmadığını qeyd edən rəsmilər, mülki şəxslərə İHA hücumlarının həyata keçirilə biləcəyini, enerji şəbəkələrinin vurula biləcəyini və orta mənzilli ballistik raketlərin buraxıla biləcəyini irəli sürüblər.

 

TRT haber

Ayşən Səlimova