Bakının bu qəsəbəsi işıqsız qalıb

Bölmə: Sosial › ,
Tarix: 11:06 05.06.2025

Bakının Suraxanı rayonunun Qaraçuxur qəsəbəsində təmir işləri ilə əlaqədar elektrik enerjisinin verilişində fasilə yaranıb.

 

"İnformator.az" Axar.az-a istinadən  xəbər verir ki, bu barədə Azərişıq ASC-dən məlumat verilib.

 

Bildirilib ki, Suraxanı Rayon Enerji Təchizatı və Satışı İdarəsi (RETSİ) ərazisində yerləşən Qaraçuxur qəsəbəsinin bir hissəsində 6 kV-luq hava xəttində aparılan təmir və budama işləri ilə əlaqədar iyunun 5-də elektrik xətləri sifarişə əsasən açılacaq.

 

Bununla əlaqədar olaraq saat 15:00-dək qəsəbənin Nizami İsmayılov və Cəlal Qurbanov küçələrində elektrik enerjisinin verilişində məhdudiyyət yaranacaq.

 

Təmir işləri başa çatdıqdan sonra sözügedən ərazilər daha keyfiyyətli elektrik enerjisi ilə təmin olunacaq.