İsrail, ABŞ administrasiyasının ikiləşməsi fonunda İrana qarşı təkbaşına hərəkətə hazırlaşır

Bölmə: Dünya › ,
Tarix: 00:03 22.06.2025

İsrail rəsmiləri ABŞ administrasiyasına bildirir ki, İranın nüvə proqramının əsas obyektlərinə zərbə endirmək üçün iki həftə gözləmək niyyətində deyillər. Trampın komandası ilə Vaşinqtonun bu prosesə qoşulub-qoşulmayacağı müzakirə olunduğu halda, İsrail qərar verməkdə tələskənlik nümayiş etdirir.

 

Cümə axşamı baş tutan gərgin telefon danışığında İsrailin baş naziri Benyamin Netanyahu, müdafiə naziri İsrael Katz və hərbi komandan Eyal Zamir iştirak edib. İsrailin diqqət mərkəzində İranın Fordo adlı, dağın altında yerləşən və dərinləşdirilmiş nüvə obyektidir. Bu nöqtəyə sarsıdıcı zərbə vurmaq üçün yalnız ABŞ-nin bunker partladan bombaları və B-2 bombardmançıları texniki cəhətdən yetərlidir. Həmin bombalar Quam adasına köçürülmüş B-2-lərdə yerləşdirilə bilər. ABŞ-nin bu əməliyyata qoşulması ehtimalı artır.

 

Reuters 

Qəmər Kazımzadə