Azərbaycanda Rusiyaya qoyulan qadağa ilin sonunadək qüvvədə olacaq

Bölmə: Dünya › ,
Tarix: 22:26 29.06.2025

Azərbaycanda Rusiyanın mədəni tədbirlərinin keçirilməsinə qoyulan qadağa ilin sonunadək qüvvədə olacaq.

"İnformator.az" "Teleqraf"a istinadən xəbər verir ki, bu barədə Mash Teleqram kanalı məlumat yayıb.

 

Ləğv edilən tədbirlərin siyahısında müğənnilər Basta (30 avqust, Sea Breeze Resort), Leonid Aqutin və Anjelika Varumun (29 oktyabr, Heydər Əliyev Sarayı) konsertləri, "Şelkunçik" (13 iyun, Heydər Əliyev sarayı), "Romeo və Cülyetta" (12 oktyabr, Heydər Əliyev Sarayı) və Sergey Bezrukovun iştirakı ilə "Xuliqanın etirafı" (17 oktyabr, Heydər Əliyev Sarayı) tamaşaları, həmçinin Yevgeni Sinyakovun stand-up-ı (1 noyabr, Opera studiya) və Yumor Festivalı (18 iyul, Sea Breeze Resort) daxildir.