Orban Moskva səfərində sülhə çağırır
![](/sekil.php?w=450&h=0&zc=1&src=/upload//202407/7965750_3.jpg)
Tarix: 18:10 05.07.2024
Macarıstanın baş naziri Viktor Orban Moskvada Rusiya prezidenti Vladimir Putinlə görüşündən fotoları Facebook sosial şəbəkəsində (Rusiyada ekstremist təşkilat kimi tanınan Meta Korporasiyasına məxsus olduğu üçün Rusiyada qadağan edilib) yerləşdirib və Ukrayna münaqişəsində sülhə çağırıb. Bu barədə "İnformator.az" Tass-a istinadən xəbər verir.
Baş nazir görüşdən fotoların altında "Sülh əldə edilməli olan şeydir" yazıb.
Orban iyulun 2-də Kiyevə səfərindən sonra Moskvaya səfər edib. Macarıstanın baş naziri Ukrayna prezidenti Vladimir Zelenskiyə atəşkəs şərtlərini təklif edib, lakin sonuncu onu rədd edib.
Kremlin mətbuat katibi Dmitri Peskov Ukraynanın iki liderin müzakirə edəcəyi məsələlərdən biri olacağını təsdiqləyib. Putin iclası açarkən bildirib ki, hazırda Aİ-yə sədrlik edən Macarıstandan gələn təklifləri dinləməyə hazırdır.