İsrail Qəzzanın şimalında xəstəxanaya hücum edib: 16 nəfər ölüb

Bölmə: Dünya › ,
Tarix: 21:37 09.10.2024

Qəzza zolağının şimalındakı Cibaliya bölgəsində köçkün fələstinlilərin yerləşdiyi Əl-Yəmən əl-Səid xəstəxanası bölgəsində İsrail ordusunun həyata keçirdiyi bombardman nəticəsində 16 fələstinlinin həyatını itirdiyi bildirilib. İsrail əsgərlərinin Nablusda açdığı atəş nəticəsində 4 fələstinli şəhid olub.

Kemal Advan Xəstəxanasının direktoru Husam Əbu Safiye AA müxbirinə verdiyi açıqlamada, İsrail ordusunun Cibaliyadakı Əl-Yəmən əl-Səid xəstəxanasına təşkil etdiyi hücumda aralarında qadın və uşaqların da olduğu 16 nəfərin həyatını itirdiyini bildirib.

Əbu Səfiyə İsrailin bombardmanı zamanı mülki şəxslərin yandırılaraq öldürüldüyünü bildirib.

Sosial mediada yayımlanan hücum görüntülərində xəstəxana ərazisi yaxınlığındakı çadırların da vurulduğu, aralarında uşaqların da olduğu çox sayda fələstinlinin yandırılaraq öldürüldüyü görülüb.

Fələstinin WAFA xəbər agentliyinin məlumatına görə, Nablus şəhərində ərəb qiyafəsində olan İsrail əsgərləri içərisində gənclərin olduğu avtomobilə atəş açıb.

Fələstin Qızıl Aypara Cəmiyyətindən verilən yazılı açıqlamada, tibb qruplarının Əl-Şərki bazarındakı hücumda həyatını itirən 4 fələstinlinin cənazəsini xəstəxanaya təhvil verdiyi bildirilib.

Mənbə: Habertürk
Elnurə Kərimova