Qəssam Briqadaları: Qəzzanın şimalında İsrail ordusunun 12 hərbi maşınına pusqu qurduq

Bölmə: Dünya › ,
Tarix: 22:24 10.10.2024

HƏMAS-ın hərbi qanadı İzzəddin əl-Qəssam Briqadaları Qəzza zolağının şimalına daxil olan İsrail hərbi karvanına qarşı hücumlar həyata keçirdiklərini açıqlayıb.

Qəssam Briqadalarının Telegram hesabından edilən açıqlamada Qəzza zolağının şimalında intensiv hücuma məruz qalan Cibaliya Qaçqınlar Düşərgəsində İsrail ordusuna aid hərbi maşınların "mürəkkəb pusqu" ilə hədəf alındığı bildirilib.

Qeyd olunub ki, hücumda aralarında İsrail ordusuna aid 12 hərbi maşın, həmçinin əsgərləri daşıyan yük maşını da daxil olmaqla mexanikləşdirilmiş piyada şirkəti hədəf alınıb.

Qəssam qüvvələrinin pusquda saxladıqları hərbi maşınlara doğru irəlilədiyi və sıfır məsafədən yüngül silahlarla İsrail əsgərlərini zərərsizləşdirdiyi bildirilib.

Açıqlamada, pusquya düşən İsrail əsgərlərindən bəzilərinin ətrafdakı bir evə doğru qaçarkən hədəf alınaraq öldürüldüyü və yaralandığı bildirilib.
Qəssam Briqadaları bu səhər Cibaliyada İsrail ordusuna aid iki tankı hədəfə aldıqlarını açıqlayıb.

İsrailin 7 oktyabrdan bəri Qəzza zolağına təşkil etdiyi hücumlarda təxminən 17 mini uşaq, 11 min 378-i qadın olmaqla 42 min 65 fələstinli həyatını itirib, 97 min 886 nəfər isə yaralanıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

Mənbə: Habertürk
Elnurə Kərimova