Rusiya və İranın beynəlxalq hadisələrlə bağlı mövqeləri çox vaxt yaxınlaşır

Bölmə: Dünya › ,
Tarix: 22:10 11.10.2024

Rusiya lideri qeyd edib ki, hər iki ölkə “beynəlxalq arenada birgə fəal işləyir”.

Rusiya prezidenti Vladimir Putin bildirib ki, Rusiya və İran beynəlxalq arenada fəal birgə işləyir və hadisələri qiymətləndirməkdə çox vaxt oxşardırlar.

Putin iranlı həmkarı Məsud Pezeşkianla görüşündə vurğulayıb: “Biz beynəlxalq arenada fəal şəkildə birgə işləyirik və dünyada baş verən hadisələrə qiymətlərimiz çox yaxındır”.

Bu, iki prezidentin ilk görüşüdür. Kremlin köməkçisi Yuri Uşakov daha əvvəl bildirib ki, tərəflər ikitərəfli məsələləri, eləcə də Yaxın Şərqdəki vəziyyəti müzakirə edəcəklər.

Danışıqlarda Rusiya tərəfdən Rusiya baş nazirinin müavini Aleksey Overçuk, Kremlin köməkçisi Yuri Uşakov, Kremlin mətbuat katibi Dmitri Peskov və xarici işlər nazirinin müavini Mixail Qaluzin iştirak edir.

Mənbə: İtar-tass
Zəhra Məmmədova