Gənclərdə ürək-damar xəstəlikləri artır!

Bölmə: Sosial › ,
Tarix: 22:30 02.12.2024

Son illər gənclər arasında ürək-damar xəstəliklərinin artması mütəxəssislər tərəfindən ciddi sağlamlıq təhlükəsi kimi qiymətləndirilir. Ürək-damar xəstəliklərinin ümumiyyətlə yaşlılarla əlaqəli olmasına baxmayaraq, son illərdə dünyada və Türkiyədə gənc əhalini daha çox təsir etdiyini bildirən Gökalp, ürək-damar xəstəliklərinin gənclərdə getdikcə daha çox görüldüyünü və bu vəziyyətin sosial sağlamlığı təhdid etdiyini bildirib.

 

Gökalp, gənclərdə xəstəliklərin tezliyinin artmasının əvvəlki illərə nisbətən daha çox diaqnoz qoyulması, xidmətlərə daha asan çıxış, eləcə də müasir həyatla birlikdə artan mənfi həyat tərzinin təsirləri kimi amillərlə bağlı ola biləcəyini vurğuladı. Dünyada və Türkiyədə inkişafla birlikdə piylənmənin artdığını və bunun əhəmiyyətli bir risk faktoru olduğunu bildirən Gökalp sözlərini belə davam etdirdi:

 

"Piylənmə ürək xəstəlikləri üçün təbii risk faktorudur. Gənclərdə ürək xəstəliklərinin artmasının ən mühüm səbəbləri fast food istehlakı, işlənmiş qidalara meyl və oturaq həyat tərzidir. Bu vərdişlər piylənmə kimi ürək-damar xəstəliklərinə səbəb olan şərtləri tətikləyir. 

Siqaret çəkmə, stresli həyat şəraiti və akademik/iş təzyiqləri də gənclərin ürək sağlamlığına mənfi təsir göstərən mühüm amillərdir. Siqaret çəkmə nisbətləri yüzdə 25,9, piylənmə nisbəti isə yüzdə 32,1-dir. Bu, ürək-damar xəstəliklərinin növbəti illərdə daha da arta biləcəyini göstərir”.

 

“Risk faktorlarının erkən aşkarlanması üçün müayinələr lazımdır”

 

Sağlam olmayan qidalanma və hərəkətsizliyin gənclərdə ürək sağlamlığını ciddi şəkildə təhdid etdiyini vurğulayan Gökalp, şəkərli içkilərin və işlənmiş qidaların sıx istehlakının piylənmə və diabet riskini artırdığını söylədi.

 

Mənbə: Ahaber

Mehriban Nəsibova