İcbari Tibbi Sığortanın Genişləndirilməsi və İctimai Nəzarət Tələbi

Bölmə: Sosial › ,
Tarix: 18:32 17.12.2024

İcbari tibbi sığorta ilə bağlı "Xidmətlər zərfi"nə gələn ildən yeni xidmətlər daxil ediləcəyi və sığorta ödəniş mexanizmlərində dəyişikliklərin nəzərdə tutulduğu bildirilib.

 

Mövzu ilə bağlı professor Adil Qeybulla “informator.az”a açıqlamasında icbari tibbi sığortanın genişləndirilməsinin önəmli olduğunu qeyd edib:

 

“Sığorta zərfinin genişləndirilməsi sadəcə istək hesabına ola biləcək bir prosedur deyil. Birincisi, bu xidmətlərə sərf olunacaq vəsait və bir-iki il öncəki xəstələrin ümumi xərci hesablanıb, proqnoz verməklə bunu təmin etmək mümkündür. Bu gün ayrılan 3,5 milyard vəsait icbari tibbi sığorta üçün Azərbaycan əhalisinin effektiv tibbi yardımını həyata keçirmək üçün yetərli deyil. Söhbət onkoloji xəstələrin daxil edilməsindən gedir. Təbii ki, onkoloji xəstələrin müalicəsi çox bahadır və bu xidmətləri əhatə etmək üçün xeyli vəsait lazımdır. Ona görə də, hesab edirəm ki, biz elə dəyişikliklər etməliyik ki, bunlar tədricən olsun və vətəndaş bundan faydalana bilsin. Bunlar birbaşa genişlənərək gedir, ancaq ortada bir nəticə yoxdur. Bu səbəbdən, vətəndaşların çoxu məmnun qalmır. Hesab edirəm ki, bu cür məsələlərin ictimai nəzarəti də həyata keçirilməlidir”.

Ləman Ağayeva