Mövqelərimiz atəşə tutulub
Bölmə: Siyasət ›
,
Tarix: 23:02 06.03.2025
Martın 4-ü saat 22:05 radələrində, Ermənistan silahlı qüvvələrinin bölmələri Gorus rayonunun Xanazax yaşayış məntəqəsi istiqamətində yerləşən mövqelərimizi atıcı silahlardan atəşə tutub.
Mövzu ilə bağlı “İnformator.az”a açıqlamasında politoloq Elçin Xalidbəyli bildirib ki, Ermənistanın siyasi dairələri sülh prosesi vasitəsi ilə manipuliyasiya etməklə məşğuldur:
“ Rəsmi İrəvanın yekun sülh sazişini imzalamaq kimi niyyəti yoxdur. Sadəcə yalançı bəyanatlar imzalamağa hazır olduqlarını vurğulamaqla sülh prosesi üzərində manipuliyasiya aparırlar. Beynəlxalq məkanda Ermənistanı sülhə sadiq dövlət kimi göstərməyə çalışırlar. Lakin məsələyə real olaraq yanaşsaq görərik ki, Ermənistan Azərbaycanla yekun sülh sazişini imzalamağa hazır deyil. Bu istiqamətdə hər hansısa bir irəliləyişin ola biləcəyi yaxın vaxtlarda görünmür".
Ekspert qeyd edib ki, Ermənistanın yekun sülh sazişinin müzakirə prosesi dövründə dəfələrlə Azərbaycana qarşı hərbi təxribatlar törətməsi də, rəsmi İrəvanın sülh prosesindən kifayət qədər uzaqda olduğunu göstərir:
“Atəşkəsi Ermənistanın pozması da , onu göstərir ki, İrəvanda sülh prosesinə sadiq deyillər. Əksinə sülh prosesini pozacaq addımlara daha çox üstünlük verirlər. Bu hadisələrin yaxın gələcəkdə də təkrarlanma ehtimalı var.
Rəsmi İrəvanın atdığı addımların İrəvanda düşünüldüyü biraz şübhə doğurur. Çünki Ermənistan çoxdan qərb ölkələrinin güya politik müstəmləkəsinə çevrilib. Təlimatları qərb ölkələrinin maraqlarına uyğun yerinə yetirməklə məşğuldur. Qərb ölkələrinin bir çoxuna Cənubi Qafqazda sülh prosesinin uğurlu nəticələnməsi sərfəli deyil. Bütün bunları nəzərə aldıqda hesab edə bilərik ki, Ermənistan adlı uydurma bir dövlət hələ uzun müddət sülh prosesi ilə manipuliyasiyalar etməyə çalışacaq. Hətta situasiya onların düşündüyü kimi olarsa, Ermənistan Cənubi Qafqazda hər an yeni müharibənin başlanması üçün revanşist addımlar ata bilər. Buna görə də, Azərbaycan dövləti və Azərbaycan ordusu Ermənistanın bütün hərbi təxribatlarına hazır olmalıdır”.
Asiman Vəliyeva
