ABŞ prezidenti İranı bombalamaqla hədələdi

Bölmə: Siyasət › ,
Tarix: 22:31 02.04.2025

 

ABŞ Prezidenti Donald Tramp Tehranın nüvə proqramı ilə bağlı Vaşinqtonla razılığa gəlmədiyi təqdirdə İranı bombalamaqla hədələyib.

 

Mövzuyla əlaqədar politoloq Turab Rzayev “İnformator.az”a açıqlamasında bildirib ki, Trampın son zamanlar ABŞ siyasətini Avropa və Dünya siyasətindən ayırmaq cəhdləri elə bil şərait yaradıb ki, faktiki olaraq hər bir ölkə öz xarici və daxili qərarlarını verməyə başlayıb:

 

“İran bu məqamda ABŞ-nin İrana zərbə endirəcəyini düşünmur. ABŞ-nin öz muttəfiqləri olmadan belə bir müharibəyə başlayacağına şübhə ilə yanaşır, İran hər tərəfdən fikrinin qəti olduğunu göstərmək üçün ABŞ ilə danışıqlarda daha çox ABŞ-dən siyasi güzəştlər əldə etmək üçün belə bir səhvə yol verib.

Trampın verdiyi açıqlamalarla bağlı nə qədər ciddi olmağına baxsaq görərik ki, Tramp hələ ki, təhdid, güc və hədəf dili ilə öz planlarını həyata keçirməyə çalışıb. Tramp bəzi dövlətlər tərəfindən əsas qərar verəcək rəhbər rolunda görünür. İran və ABŞ arasındakı münasibət daha çox gərginləşərsə, ABŞ İrana qarşı əməliyyatlar həyata keçirə bilər. ABŞ Husilərə qarşı əməliyyat keçirməklə düşünür ki, İranı zəiflədə bilər. Bu hadisə ABŞ-də ziyan vura bilər”.

 

Asiman Vəliyeva