"Zəngəzur dəhlizi Azərbaycan və Çin arasında əməkdaşlığı gücləndirəcək"
Bölmə: Siyasət ›
,
Tarix: 21:56 02.04.2025
"Zəngəzur dəhlizi" layihəsinin reallaşması tərəfdaş ölkələri, o cümlədən Azərbaycan və Çini birləşdirəcək və onların əməkdaşlığını daha da gücləndirəcək.
Yeni Azərbaycan Partiyasının (YAP) sədr müavini Tahir Budaqov Bakıda keçirilən "Azərbaycan-Çin strateji tərəfdaşlığı: qlobal cənubda əməkdaşlığın möhkəmləndirilməsi və təşviqi" mövzusundakı konfransda bu barədə danışıb.
O vurğulayıb ki, artan qlobal problemlər fonunda Qlobal Cənub və Qlobal Şimal arasında konstruktiv əməkdaşlıq milli maraqlara və ədalətə hörmət prinsiplərinə əsaslanan yeni əməkdaşlıq modelinin formalaşdırılması üçün vacib çağırışdır.
"Azərbaycan və Çin çoxqütblü siyasi nizamın tərəfdarları olaraq, beynəlxalq təhlükəsizliyə ciddi təhdidlər yaradan hadisələrə qarşı barışmaz mövqe nümayiş etdirirlər. Biz qlobal miqyasda dialoq və əməkdaşlığın təşviqində müstəqil, qətiyyətli və konstruktiv mövqe nümayiş etdiririk".
Budaqovun sözlərinə görə, yeni reallıqlar fonunda Azərbaycan və Çin bəşəriyyətin sağlam və xoşbəxt gələcəyinə əhəmiyyətli töhfə verə bilər.
Mənbə: Caliber
Aytən Ağazadə
