ABŞ Ədliyyə Departamenti Texas Baş Prokuroru Ken Paxtona qarşı ittiham irəli sürməyəcək

Bölmə: Dünya › ,
Tarix: 19:06 03.04.2025

 

 

WASHINGTON (AP) – ABŞ Ədliyyə Departamenti Texasın baş prokuroru Ken Paxtona qarşı korrupsiya ittihamlarının irəli sürülməməsi barədə qərar qəbul edib. Bu barədə Associated Press (AP) mənbələrə istinadən məlumat yayıb.

 

Məlumata görə, qərar Bayden administrasiyasının son həftələrində səssizcə qəbul edilib və bununla da uzun müddətdir davam edən korrupsiya araşdırmasına son qoyulub. Sözügedən araşdırma Paxtonun yaxın çevrəsinin Texasdakı siyasi donorlarından birinə kömək etmək üçün ofisindən sui-istifadə etdiyi iddiaları ilə bağlı aparılırdı.

 

Federal müstəntiqlər Texasda aparılan istintaq zamanı Paxtona qarşı ittiham üçün yetərli sübutların olduğunu düşünsələr də, Ədliyyə Departamentinin Vaşinqtondakı ictimai dürüstlük bölməsi işi öz üzərinə götürdükdən sonra istintaqın istiqaməti dəyişib. AP-yə danışan və adının açıqlanmasını istəməyən iki mənbə departamentin cinayət təqibindən imtina etdiyini təsdiqləyib.

 

Qərarın dəqiq tarixi məlum olmasa da, mənbələrdən biri bunun prezident Co Baydenin administrasiyasının son həftələrində verildiyini bildirib.

 

Paxton, Donald Trump-ın yaxın müttəfiqlərindən biri kimi tanınır və bu qərarın Respublikaçılar arasında rezonans doğuracağı gözlənilir.

 

Associated Press

Gülhüseynova Güllər