Türk qəhvəsi ilə niyə şəkər, lokum və su gətirilir?
Bölmə: Maraqlı ›
,
Tarix: 21:17 11.06.2024
Bayram ziyarətlərinin vazkeçilməz hissələrindən biri dadlı yeməklərdir. Bayram günlərində tez-tez istehlak edilən bir içki olan qəhvə şəkər və su ilə verilir. Bəs, qəhvənin niyə şirin və su ilə verildiyini bilirsinizmi?
Bayram səfərləri zamanı “Bir fincan qəhvə qırx il yaddaşlarda qalacaq" məsəli əsasında qonaqlarımıza kofe ilə yanaşı, çox vaxt “şirin yeyək, şirin danışaq" deyərək diqqətlə bişirilmiş, şəkərli şirniyyatlar təklif edirik.
Bəs niyə biz bayramlarda həmişə türk qəhvəsi ilə şəkər veririk?
Qəhvəmizi yudumlayarkən şəkəri əvəz etmək üçün başqa hansı sağlam alternativlər ola bilər?
Şəkər şirin dadı olduğu üçün sevinc və xoşbəxtlik hissi yaradır. Türk mədəniyyətində “Şirin yeyək, şirin danışaq” atalar sözünə əsaslanaraq, cəmiyyətdə həmrəylik, paylaşma hissini ifadə etmək üsuludur. Türk qəhvəsinin az odda hazırlanması, stəkanlara yavaş-yavaş tökülməsi kimi ritualları ilə türk mədəniyyətində ünsiyyət, qonaqpərvərlik, paylaşma kimi simvollara işarə edən bir ənənəyə çevrildiyi üçün türk qəhvəsinin əhəmiyyəti önəmlidir. Osmanlı dövründə qonaqlara qəhvə ikram edilərkən onunla su verilirdi. Bunun səbəbi isə əgər qonaq acdırsa, əvvəlcə su, toxdursa, qəhvə içirdi. Qonağı utandırmaq və ya incitməmək üçün düşünülən bu incə hərəkətlə türk qəhvəsi türklərin nəzakət qaydalarında yerini aldı. Qəhvədən əvvəl su içmək qəhvədən daha yaxşı ləzzət almağınıza kömək edir, qəhvədən sonra içdiyiniz su isə damağınızda qalan tortu təmizləyir, içdiyiniz qəhvənin keyfiyyətini anlamaq üçün köpüyə baxa bilərsiniz. Köpük yumşaq, məxmər kimi və boldursa, içdiyiniz qəhvə yüksək keyfiyyətlidir.
Mənbə: CNNTürk
Aytac Kərimova
