Virusa icazə verməyən yaşıl naringi!
Bölmə: Maraqlı ›
,
Tarix: 22:25 27.11.2024
Naringi deyəndə ağlımıza adətən yetişmiş, şirin və şirəli meyvə gəlir. Lakin yaşıl naringi bu anlayışı dəyişir. Yetişməmiş budağından qoparılan bu meyvə fərqli dad verməklə yanaşı, sağlamlığa çox əhəmiyyətli faydaları da var. Daha kəskin qoxuya malik yaşıl naringi qida dəyəri baxımından çox zəngindir.
Bəs niyə yaşıl naringi istehlak etməlisiniz?
Çünki bu meyvə təbii enerji mənbəyi olmaqla yanaşı, həm də erkən məhsulu sayəsində daha çox konsentrasiyalı qidalar təqdim edir.
Əksər insanlar bu meyvəni yalnız yetişmiş formada istehlak etməyi üstün tutsalar da, yaşıl naringinin təqdim etdiyi unikal sağlamlıq faydaları kəşf edilməyi gözləyir.
Yaşıl naringi, yetişmiş formasından fərqli olaraq, daha az şəkər və sıx vitamin tərkibinə malikdir. Eyni zamanda yaşıl naringi yalnız aşağı şəkər tərkibi ilə deyil, həm də sıx lifi, vitamin və mineral tərkibi ilə seçilir. Üstəlik, bu meyvə yetişməmişdən əvvəl yığıldığından, dəri sağlamlığından həzmə qədər bir çox sahədə fayda təmin edən daha konsentratlı aktiv maddələr ehtiva edir.
Yaşıl naringi yetişməmiş meyvə olsa da, yüksək miqdarda C vitamini ehtiva edir.
Bildiyimiz kimi, C vitamini immunitet sisteminin gücləndirilməsində mühüm rol oynayır və orqanizmin sərbəst radikallara qarşı müdafiəsini artırır. O, həmçinin dərinin sağlamlığına töhfə verir, dərinin daha parlaq və sağlam görünməsinə kömək edir.
Mənbə: pembe nar
Nigar Səmədli
