Beşiktaşın yeni transferi Joao Mario ilə tanış olaq: O bir jokerdir
Bölmə: İdman ›
,
Tarix: 11:52 05.09.2024
"Beşiktaş"ın yeni transferi Joao Mario, təcrübəsi və birdən çox mövqedə oynamaq bacarığı ilə joker oyunçusudur...
Öz təbirincə desək, o, “ildən-ilə daim təkmilləşmək və daha yaxşısını etmək istəyən” biridir. Portuqaliya Milli Komandasında 56 matça çıxan təcrübəli futbolçu bütün aşağı yaş kateqoriyalarında milli olmaqla yanaşı, həm ölkəsinə, həm də klublarına uğurla xidmət edən addır.
2015-16 mövsümündə Mario zərurət üzündən Sportingdə sağ cinah və hücumçu kimi oynanmağa başladı. Bu bölgə dəyişikliyi ilə onun karyerası tamam başqa nöqtəyə gedib. Daha sonra 45 milyon avroya "İnter"ə transfer olunub. Burada da aydın bir mövqedə oynaya bilmədi. Bəzən 6, bəzən 10 nömrə olurdu. Lakin o, İtaliya yığmasında sabitliyə nail ola bilməyib.
O, karyerasını West Ham, Lokomotiv, Sporting və Benfika komandalarında davam etdirib. O, Benfikada məşqçi Xorxe Xesusla 8 nömrədə oynamağa başladı. Bu mövqe dəyişikliyi ilə uzun müddətdən sonra özünü tapmağı bacardı. Sonra Rocer Şmidt onu yenidən cinah oyunçusuna çevirdi. Və yüksələn performansı ilə Benfikanın çempionluğunda böyük pay sahibi oldu.
Joze Mourinyo 2004-cü ildə “Porto” ilə Çempionlar Liqasının qalibi olanda Joao Mario gənclər komandasında oynayırdı.
Onun kumiri həmişə Zidan olub. O, heç vaxt 10 nömrəli formanı xəyal etmirdi. Mario "Bunlar sadəcə rəqəmlərdir" dedi və 17 və 6 nömrəli formaları seçdi.
Benfika ilə 2022-23 mövsümü onun karyerasının ən məhsuldar dövrü olub. O, mövsümü 23 qol və 8 məhsuldar ötürmə ilə başa vurub. Təbii ki, bunun 12-si penaltilərdən olub. Bununla belə, onun penalti vurma qabiliyyətinin də yüksək səviyyədə olduğunu qeyd etmək yerinə düşərdi.
Joao Mario karyerasında 441 oyun keçirib və bu matçlarda 61 qol vurub, 84 məhsuldar ötürmə edib. Ulduz futbolçu ötən mövsüm "Benfika"nın heyətində 51 oyuna çıxıb, 9 qol vurub, 4 məhsuldar ötürmə edib.
Qarşısında oynayan hücumçuların işini asanlaşdıran biri olduğunu desək, mübaliğə olmaz. Onun məhsuldarlığı, soyuqqanlılığı və son toxunuşlarda bacarığı oynadığı komanda yoldaşlarını fərqli səviyyəyə qaldırır.
“Beşiktaş” ötən gün İstanbula gətirdiyi Joao Marionun lisenziyasını dünən verib. “Ağ-qaralar” 31 yaşlı futbolçu ilə 12 illik müqavilə imzalayıb. "Beşiktaş" bu mövsüm Joao Mario üçün "Benfika"ya pul ödəməyəcək. Futbolçunun transfer haqqı 2025-ci ilin oktyabr ayından etibarən 3 hissədə ödəniləcək. Mario; O, Qabriel Paulista, Rafa Silva, Ciro İmmobile, Can Keleş, Emirhan Topçu, Cher Ndour və Feliks Uduokhaidən sonra bu mövsüm "Beşiktaş"ın səkkizinci transferi olub.
Mənbə: Hürriyet
Fatimə Abdulrəhimli
