Mətbuat Şurası Əbülfəs Qarayevi mükafatlandırdı

Bölmə: MEDİA › ,
Tarix: 09:33 13.07.2015

Azərbaycan Milli Kitabxanasında “Azərbaycan mətbuatı və milli-mənəvi dəyərlərimiz” mövzusunda keçirilən konfransda Mətbuat Şurasının (MŞ) sədri Əflatun Amaşov mədəniyyət və turizm naziri Əbülfəs Qarayevi MŞ adından “Azərbaycanda informasiyalı cəmiyyət quruculuğundakı xidmətlərinə görə” təltif edib.

Konfrans Azərbaycan Prezidenti Administrasiyası rəhbərinin 6 iyun 2015-ci il tarixli Sərəncamı ilə təsdiq olunmuş “Azərbaycan milli mətbuatının 140 illik yubileyinin qeyd olunması ilə əlaqədar Tədbirlər Planı”na əsasən Prezident Administrasiyası, Mədəniyyət və Turizm Nazirliyi, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu və Mətbuat Şurasının təşkilatçılığı ilə keçirilib.