TikTok qadağan edilməməsi üçün tədbir gördü
Bölmə: Maraqlı ›
,
Tarix: 23:30 18.12.2024
Çin sosial media platforması TikTok, ABŞ Ali Məhkəməsinə müraciət edərək tətbiqin satışı və ya qadağan edilməsini tələb edən qanunun icrasının müvəqqəti dayandırılmasını istəyib.
Ali Məhkəməyə təqdim edilən ərizədə TikTok və ByteDance şirkətlərinin “Amerikalıları Xarici Düşmən tərəfindən Nəzarət Edilən Tətbiqlərdən Müdafiə Aktı”nın icrasını dayandırmaq üçün göstəriş tələb etdiyi bildirilib.
Ərizədə qeyd olunub ki, eyni vəsatət əvvəllər də Apellyasiya Məhkəməsinə təqdim edilsə də, təmin olunmayıb.
Digər tərəfdən ABŞ-ın seçilmiş prezidenti Donald Tramp da mətbuat konfransında TikTok-a qadağa qoyulmasının mümkünlüyü ilə bağlı sualı cavablandırıb.
TikTok qadağasını dayandırmağa açıq olduğuna işarə edən Tramp, "TikTok-a nəzər salacağıq. TikTok haqqında çox isti hiss edirəm",- deyib.
MƏHKƏMƏ TİKTOKUN QADAĞASI ÜÇÜN ÖDƏNİLƏN QANUNUN LEHİNƏ QƏRAR VERDİ
Keçən il ABŞ administrasiyası Amerika istifadəçi məlumatlarını Çin administrasiyası üçün əlçatan etməkdə ittiham etdiyi TikTok-u ABŞ şirkətinə satmaq, ya da qadağan etmək üçün bir addım atdı.
Bayden administrasiyası TikTok-a 2025-ci il yanvarın 19-na qədər vaxt verdi ki, Çin ByteDance ilə əlaqələri dayandırsın, əks halda şirkət ABŞ-da qadağan ediləcək və istifadəçilər tərəfindən girişi bloklanacaq.
170 milyon istifadəçisi olan TikTok da, bu qanunun ABŞ Konstitusiyasının 1-ci maddəsindəki ifadə azadlığına və ölkənin “açıq internet” siyasətinə zidd olduğunu əsas gətirərək, bu qanunun ləğvi üçün Apellyasiya Məhkəməsinə müraciət edib.
TikTok-un müraciətində ABŞ administrasiyasının verdiyi müddətin çox qısa olduğu və bu müddət ərzində ByteDance ilə əlaqəsini kəsməyin texniki və praktik olaraq mümkün olmadığı da irəli sürülüb.
Apellyasiya Məhkəməsi dekabrın 6-da TikTok-un qanuna qarşı iddiası ilə bağlı qərarını verib. Məhkəmə TikTok-un qadağan edilməsinə yol açan qanunun lehinə qərar verdi.
Mənbə: Habertürk
Çinarə Tarverdiyeva
