“Hatayspor” - “Galatasaray” matçında qorxu dolu anlar !

Bölmə: İdman › ,
Tarix: 22:38 17.01.2025

 

Super Liqanın 20-ci həftəsində “Hatayspor” ilə “Galatasaray” qarşı-qarşıya gəldi. Matçın daha əvvəlində meydana çoxlu sayda yad cisim atıldı.

 

Oyun azarkeşlər tərəfindən böyük maraqla izlənildi. Qapılardan birinin arxasında olan tribunalın tamamilə “Galatasaray” azarkeşlərinə ayrıldığı müşahidə edildi.

 

Cihan Aydının idarə etdiyi matçın hələ başlanğıcında meydan qarışdı. “Galatasaray” azarkeşlərinin yerləşdiyi tribundan oyun davam etdiyi vaxt meydana yanıcı maddələr atıldı. Bu maddələrin atılmasından sonra matçın hakimi Cihan Aydın idmançıların sağlamlığına görə oyunu dayandırdı. Yanan məşəlləri meydan işçiləri ilə yanaşı, hər iki komandanın futbolçuları kənara atdılar.

 

Meydan tamamilə təmizləndikdən sonra oyun yenidən başladı. Təxminən 1 dəqiqəlik fasilədən sonra Cihan Aydın oyunu hakim atışı ilə davam etdirdi.

 

Mənbə:Milliyət

Fatimə Abdulrəhimli