Bahçeli: Demirtaşın açıqlaması uyğun və şərəfli bir inkişafdır
Bölmə: Dünya ›
,
Tarix: 23:41 14.01.2025
MHP-nin (Milliyyətçi Hərəkat Partiyası) sədri Dövlət Bahçeli, keçmiş HDP (Halkların Demokratik Partiyası) Eşit Başqanı Selahattin Demirtaşın DEM Partiyası heyəti ilə görüşündən sonra verdiyi açıqlama barədə "Kütləvi informasiya vasitələrindən aldığımız məlumata əsasən, bu, uyğun və şərəfli bir inkişafdır",- dedi.
Bahçeli, partiyasının TBMM Qrup Toplantısından sonra jurnalistlərin suallarını cavablandırdı.
DEM Partiyası İmralı heyətinin Selahattin Demirtaşı həbsxanada ziyarət etməsindən sonra, Demirtaşın sosial media hesabından etdiyi açıqlama xatırladılaraq, "Selahattin Demirtaş prosesi dəstəkləyən bir açıqlama verdi. Siz Demirtaşın açıqlamasını necə qiymətləndirirsiniz?" sualına Bahçeli belə cavab verdi:
"Bir çox əlaqələr, təmsil olunan dostlar vasitəsilə davam edir. Kütləvi informasiya vasitələrindən aldığımız məlumata əsasən, inkişaflar uyğun və şərəfli bir inkişafdır. İnşallah, Türkiyə terrorsuz bir ölkə olacaq. Bunun üçün də hər kəsin qatqısı olacaq, Allahın izni ilə".
Halkların Bərabərlik və Demokratiya Partiyası (DEM Partisi) heyəti, PKK lideri Abdullah Öcalanla İmralıda görüşdükdən və siyasi partiyalara səfərlərini başa vurduqdan sonra, şənbə günü Edirne F Tipi həbsxanasında saxlanılan keçmiş HDP Eşit Başqanı Selahattin Demirtaşı ziyarət edib.
Mənbə:BBC News Türkçe
Nigar Həsənzadə
