Arif Alışanov baş redaktoru vəzifəsindən çıxartdı

Bölmə: MEDİA › ,
Tarix: 14:02 22.09.2015

Azərbaycan Televiziya və Radio Verilişləri Qapalı Səhmdar Cəmiyyətinin sədri Arif Alışanov «Səhər» musiqi-informasiya proqramının baş redaktoru Natəvan Osmanlını vəzifəsindən çıxarıb.

Bu haqda məlumat AzTV-dən verilib.

Məlumata görə, Natəvan Osmanlı bundan sonra diktor vəzifəsində çalışacaq.

Onun yerinə isə “Ovqat” verilişinin aparıcısı Nəcibə Əlixanova təyin edilib.

Qeyd edək ki, «Səhər» musiqi-informasiya proqramı 1995-ci ildən efirdədir. Bu proqram səhər saat 8:15-dən 11:00-a kimi  canlı yayımlanır.