Kolumbiya Universiteti bir tələbəni müvəqqəti olaraq cəzalandırıb

Bölmə: Dünya › ,
Tarix: 20:00 24.01.2025

Kolumbiya Universiteti, İsrail tarixi ilə bağlı keçirilən dərsi pozan bir qrup insanla bağlı araşdırmanı "sürətləndirərək" bir tələbənin müvəqqəti olaraq cəzalandırıldığını bildirib.

 

Universitetin açıqlamasına görə, nümayişçilər çərşənbə axşamı keçirilən "Müasir İsrail Tarixi" dərsində iştirak edən tələbələrə “zorakı təsvirlər” olan vərəqələr paylayıblar.

 

Kolumbiya Universiteti iştirak edən şəxslərdən birini müəyyənləşdirib və tam araşdırma başa çatana qədər həmin tələbəni cəzalandırıb. Bununla belə, araşdırma davam edir. Universitet rəsmiləri tələbənin kimliyini açıqlamayıb.

 

Bu, professor Avi Şilonun dərsinin ilk günü idi və tələbələr dərsə yeni tanış olmuşdular. Həmin vaxt üzləri örtülü və üzərlərində çox vaxt Fələstin kimliyinin simvolu kimi qəbul edilən ənənəvi Yaxın Şərq şalı – kefiyə taxan nümayişçilər dərsə daxil olub İsrail əleyhinə vərəqələr paylayıblar, – deyə tələbə Elişa Beyker bildirib.

 

Vərəqələrdən birində “Sionizmi yandırıb məhv edin” sözlərinin altında yanan İsrail bayrağı təsvir edilib, digərində isə Davud Ulduzunun üzərinə basmaq üzrə olan böyük bir qara çəkmə təsvir edilib və “Sionizmi əzin” sözləri yazılıb, – deyə Beykerin çəkdiyi şəkillərdən məlum olur.

 

“Bu, dərsdə hamı üçün şok idi”,-deyə Yaxın Şərq tarixi üzrə təhsil alan Beyker bildirib. “Bu dərs üçün hələ də çox həyəcanlıyam. Təəssüf ki, bu hadisə bizi dərs zamanı gərginlik içində saxlaya bilər".

 

Mənbə: CNN

Nuray Qurbanlı