MN: Artilleriya bölmələri ilə döyüş atışları keçirilib

Bölmə: Siyasət › ,
Tarix: 10:22 29.04.2025

Quru Qoşunlarının artilleriya bölmələrində praktiki döyüş atışları keçirilib.

 

Bu barədə "İnformator.az" "Report"a istinadən məlumat verir ki, məsələ ilə bağlı Müdafiə Nazirliyindən məlumat verilib.

 

Bildirilib ki, real döyüş şəraitinə uyğun keçirilən döyüş atışlarında şərti düşmənin planlı və plandankənar hədəflərinin aşkar edilməsi və sərrast atəşlə məhv edilməsinə nail olunub.

 

Praktiki məşğələlərin keçirilməsində əsas diqqət hərbi qulluqçuların praktiki bacarıqlarının artırılması, komandirlərin idarəetmə vərdişlərinin və qarşılıqlı əlaqənin təkmilləşdirilməsinə yönəldilib.