ABŞ prezidenti Kanada mallarına 35% rüsum tətbiq etdiyini açıqlayıb

Bölmə: Dünya › ,
Tarix: 21:57 11.07.2025

ABŞ prezidenti Donald Tramp avqustun 1-dən Kanada mallarına istənilən sektor tariflərindən ayrı olaraq 35% rüsum tətbiq edəcəyini açıqlayıb.

 

Tramp Kanadaya ünvanladığı tarif məktubunu Truth sosial media hesabında paylaşıb.

 

Məktubun ABŞ-nin cavab tədbirinə baxmayaraq Kanada ilə işləməyə davam edəcəklərini nümayiş etdirdiyini qeyd edən Tramp, fentanil böhranını həll etmək üçün ölkəyə tariflər tətbiq etdiklərini ictimaiyyətə xatırladıb.

 

Kanadanın ABŞ-lə işləmək əvəzinə qisasla cavab verdiyini qeyd edən Tramp, "Avqustun 1-dən etibarən Kanadadan ABŞ-ə göndərilən Kanada mallarına hər hansı sektor tariflərindən ayrı olaraq 35% rüsum tətbiq edəcəyik",-dedi.

 

Tramp, digər ölkələr vasitəsilə göndərilən malların daha yüksək tariflərdən qaçınmaq üçün daha yüksək tariflərə tabe olacağını vurğuladı.

 

O, Kanada şirkətlərinin ABŞ-də istehsal etdikləri təqdirdə heç bir tarifə məruz qalmayacağını və bunun üçün təsdiq prosesini sürətləndirəcəklərini qeyd edib. “Hər hansı bir səbəbdən tariflərinizi artırmaq qərarına gəlsəniz, onları hansı faizlə artırmağı seçsəniz, bizim tətbiq etdiyimiz 35%-lik tariflərə əlavə olunacaq”, - deyə Tramp bildirib.

 

Fentanil axınının Kanadanın üzləşdiyi tək problem olmadığını vurğulayan Tramp, Kanadanın ABŞ ilə dayanıqlı olmayan ticarət kəsirləri yaradan çoxsaylı tarif və qeyri-tarif siyasəti və ticarət maneələri olduğunu qeyd etdi.

 

Tramp davam etdi:

 

"Ticarət kəsiri iqtisadiyyatımız və hətta milli təhlükəsizliyimiz üçün böyük təhdiddir. Əgər Kanada fentanil axınını dayandırmaq üçün mənimlə birlikdə çalışarsa, bəlkə bu məktubun tənzimlənməsini nəzərdən keçirə bilərik. Bu tariflər ölkənizlə münasibətimizdən asılı olaraq yuxarı və ya aşağı düzəldilə bilər".

 

Mənbə: TRT Haber

Xədicə Məhərrəmli