“Technest” Təqaüd Proqramı yeni qeydiyyat dalğasını elan edir-Detallar açıqlandı

Bölmə: Sosial › ,
Tarix: 20:43 25.11.2023

İnnovasiya və Rəqəmsal İnkişaf Agentliyinin həyata keçirdiyi “Technest” Təqaüd Proqramına qeydiyyat başlayıb.

 

İnformator.az xəbər verir ki, Proqramın əsas məqsədi İnformasiya kommunikasiya texnologiyaları sahəsində kadr potensialının artırılmasıdır.

 

Qeydiyyat əsasən İKT sahəsində fəaliyyət göstərən 30-dan çox tərəfdaş tədris mərkəzində, 50-dən çox ixtisas üzrə aparılır. Təqaüd proqramında 18 yaşdan yuxarı hər bir şəxs ödənişsiz şəkildə iştirak edə bilər. Proqram çərçivəsində 1800 nəfərə təqaüdün verilməsi nəzərdə tutulub. Son qeydiyyat tarixi 30 noyabrdır. Qeydiyyat və ixtisaslarla bağlı ətraflı məlumatı technest.idda.az saytından əldə etmək mümkündür.

 

Məsələ ilə bağlı İnnovasiya və Rəqəmsal İnkişaf Agentliyinin departament rəhbəri Fatimə Ələkbərova açıqlamasında deyir ki, qiymətləndirmə prosesləri 2 mərhələdə həyata keçirilir.

 

“Birinci mərhələdə diaqnostik test olunur.Burada məntiq,informatika, ingilis dili baza bilikləri,yəni hər tədris mərkəzinə uyğun olaraq tərtib olunur. İkinci mərhələdə isə müsahibə mərhələsidir. Burada biz artıq təqaüd ayırdığımız şəxsə işəgötürən tərəf kimi baxırıq. Onun yumşaq bacarıqları və müsahibə bacarıqları qiymətləndirilir. Proqram nəinki Bakıda, hətta 26-dan çox regionda elan etmişik”.

 

Lamiyə