Ölkədaxili tur paketlərinin qiyməti

Bölmə: Sosial › ,
Tarix: 23:30 28.11.2023

Noyabrın spn günlərini yaşayırıq. Qarşıdan yeni il gəlir. Yeni il tətilində ölkədaxili turların qiymətində hər il olduğu kimi bu il də artım müşahidə olunur.

 

Ekspertlər deyir, tur qiymətləri nəinki Yeni il ərəfəsində, ümumiyyətlə, digər mövsümlərlə müqayisədə qışda daha yüksək olur. Qiymətlər bazar standartlarına uyğun müəyyənləşir.

 

Ekspert Ceyhun Aşurov deyir ki, burda əsas məsələ tələbatın yüksək olmasıdır: “Baxmayaraq ki, yayda daha çox insanlar səyahət edir, amma daha çox da alternativlər var, yay istirahətini keçirəcək yerlər var. Qışda bu yerlər daha məhduddur. Tələbatın yüksək olduğu dövrlərdə isə qiymətlər nisbətən yüksəkdir”.

 

Təlabatın yüksək olmasının səbəbi isə quru sərhədlərin bağlı olması ilə əlaqələndirilir. Ekspert Eldəniz Əmirov bildirir ki, ölkəmizin turizm potensialı yüksək olsa da quru sərhədlərin bağlı olması yerli turistlərin xaricə deyil, məhz ölkəmizin öz turizim məkanlarını ziyarət etməsi ilə nəticələnir.

 

Yeni ili ölkədən kənarda keçirmək istəyənlər üçün təklif olunan tur paketlərinin qiyməti isə bir nəfər üçün min – 3 min dollar arası dəyişir.