Kəklikotu çayının faydaları

Bölmə: Araşdırma › ,
Tarix: 18:22 28.12.2023

Kəklikotu (Origanum vulgare) çəmənkimilər fəsiləsinin kəklikotu cinsinə aid bitki növüdür. Vətəni Aralıq dənizi bölgəsi olan kəklikotu isti iqlimlərdə böyüyür. Ədviyyat kimi də istifadə edilən kəklikotu yeməklərə dad və ətir verir. C, A və K vitaminləri ilə zəngin olan kəklikotunun tərkibində dəmir, kalsium, kalium, sink, mis və natrium da var. Antioksidant xüsusiyyətlərə malik uçucu yağ turşusu komponentlərinə görə ədviyyat kimi istifadə olunur, çay kimi dəmlənir və ya yağ əldə etmək üçün istifadə olunur.

 

 

İmmuniteti gücləndirir

Kəklikotu çayı tərkibindəki antioksidanlar və antimikrobiyal birləşmələr sayəsində immunitet sistemini dəstəkləməyə kömək edə bilər. Bu çayın qəbulu bədəndəki sərbəst radikallardan qorunaraq hüceyrə ziyanını azalda və immunitet sistemini gücləndirə bilər. Kəklikotu çayının antiseptik və antibakterial xüsusiyyətləri sayəsində orqanizmi mikrob və infeksiyalardan qoruya biləcəyi də düşünülür. 

 

 

Antioksidant kimi təsirlidir

Orqanizmdə yığılan toksinlər orqanizmin həyati funksiyalarını yerinə yetirməsinə mane olur. Yorğunluq, zəiflik, istəksizlik və tükənmə kimi vəziyyətlərə səbəb olur. Kəklikotu çayı antioksidant içkidir. Kəklikotu çayının antioksidan təsiri tərkibindəki efir yağları və digər komponentlərə görə olduqca maraqlıdır. Antioksidantlar bədəndəki sərbəst radikallarla mübarizə apararaq hüceyrə zədələnməsinin qarşısını alır. Kəklikotu bitkisi fenolik birləşmələr kimi güclü antioksidantları ehtiva edir. Bu maddələr sərbəst radikalların yaratdığı hüceyrə zədələnməsindən qoruyur. Kəklikotu efir yağlarının əsas komponentlərindən biri olan timol antioksidant təsirə malikdir. Timol sərbəst radikalları neytrallaşdırmaqla hüceyrə oksidləşdirici stressini azalda bilər. 

 

 

Yoluxucu xəstəliklərə qarşı faydalıdır

Kəklikotu çayının tərkibindəki antiseptik, antibakterial və antifungal xüsusiyyətlər yoluxucu xəstəliklərin qarşısının alınması və müalicəsində müsbət təsir göstərə bilər. Kəklikotu çayının müntəzəm istifadəsi zərərli mikroorqanizmlərin böyüməsinin qarşısını ala bilər, infeksiya riskini azalda bilər və bədəni müdafiədə dəstəkləyə bilər.

 

 

Mədə üçün faydalıdır

Kəklikotu çayı həzm sistemini dəstəkləyə bilən antispazmodik xüsusiyyətlərə malik ola bilər. Bu, mədə əzələlərini rahatlamağa və həzmi asanlaşdırmağa kömək edə bilər. Kəklikotu bitkisinin tərkibində olan bəzi komponentlər iltihab əleyhinə təsir göstərə bilər. Bəzi araşdırmalar nəticəsində kəklikotu çayının mədə xoralarından qoruya biləcəyi aşkar edildi. Kəklikotu bitkisinin tərkibində olan bəzi komponentlər mədə xoralarının əmələ gəlməsinin qarşısını almağa kömək edə bilər.

 

Fatimə Mustafayeva

Mənbə: Nefis yemek tarifleri