“X”də bütün istifadəçilər üçün audio və videozəng funksiyası yaradılıb-AÇIQLAMA

Bölmə: Sosial › ,
Tarix: 11:03 01.03.2024

“X” sosial şəbəkəsi bütün istifadəçilərə audio və video zəng funksiyalarından istifadə imkanı verib.

 

 Sözügedən məsələ ilə bağlı İnformasiya Texnologiyaları üzrə Mühəndis-Tədqiqatçı, Azərbaycan Kibertəhlükəsizlik Təşkilatları Assosiasiyasının (AKTA) eksperti Bəhruz Əliyev "informator.az"a açıqlamasında bildirib ki, “X” sosial şəbəkəsi bütün istifadəçilərə audio və video zəng funksiyalarından istifadə imkanı verib:

 

"İlon Mask Twitteri alıb adını "X" lə dəyişdikdən sonra özünün də müsahibələrində bildirdiyi kimi Çin, Şərqi Çində istifadə olunan "WeChat" adlanan proqramdan ilhamlanaraq "hər şeyin app"i olmaq arzusundadır".

 

Müsahib qeyd edib ki, "İlon Mask düşünür ki, insan "X" sosial şəbəkəsinə daxil olduğu zaman ehtiyacı olan hər bir məsələni orada tapmalıdır. Düşünürəm ki, bu yanaşmaya görə zaman keçdikcə "X" sosial şəbəkəsinin imkanları daha da genişləndiriləcək".

 

Tədqiqatçı daha bir üstünlük olaraq qeyd edib ki, " "WhatsApp"dan fərqli olaraq "X" sosial şəbəkəsində nömrə olmadan hesab yaratmağın mümkün olmasıdır. "WhatsApp"la "X" sosial şəbəkəsinin rəqabətinə gəldikdə isə yaratdığı imkanlarla diqqəti cəlb edərsə zamanla rəqabət yarana bilər. Hazırda hər hansı bir rəqabətdən söhbət getmir".

 

Zəhra Həsənova